До петок ќа се знае ставот на Владата за вонредната состоја кој заедно со мислењето на Комисијата за заразни болести за состојбата со пандемијата ќе бидат одлучувачки за датумот за одржување на изборите, изјави денеска вицепремиерот за европски прашања Бујар Османи.
„Ставот на ДУИ се заснова на два основни принципа и тие се константни. Првиот принцип е дека здравјето на граѓаните е пред кој било друг општествен процес и второ дека консензусот е важен за одржување на избори. Епидемиолошките текови ги следиме на дневна основа. Мој став е дека треба да чекаме до петок кога завршува вонредната состојба за да направиме пресек на трендовите, да го видиме мислењето на Комисијата и врз ознова на тоа да ја донесеме одлуката за вонредната состојба. Вонредната состојба ќе влијае директно на изборите. Така што ќе почекаме до петок каков ќе биде ставот на Владата за вонредната состоја“, рече Османи на новинарско прашање дали останува 5 јули за датум за одржување на изборите.
Согласно одлуката на претседателот Стево Пендаровски постојната вонредна состојба во времетраење од 14 дена истекува на 14 јуни.