Совеста и одговорноста на секој од нас е најсилното оружје против Ковид-19, порача министерот за здравство Венко Филипче. Тој притоа упати апале до сите граѓани за доследно почитување на мерките за заштита од коронавирус.
„Најсилното оружје против коронавирусот е секој од нас – нашата совест и нашата одговорност. Најефикасниот штит се трите правила кои мора доследно да ги почитуваме – држење растојание, носење заштитна опрема и одржување хигиена. Секој од нас треба да ја сфати сериозноста на вирусот, да се заштити себе си, а со тоа и своите најблиски, јавното здравје, здравствените работници и здравствениот систем. Нема компромис со овој вирус. Затоа да почитуваме. Јас верувам во нашите граѓани, во секој од вас. Заедно да се бориме, да се чуваме себе и нашите блиски, да го заштитиме јавното здравје“, истакна Филипче.