Се наоѓаме пред историски најголемата победа, а од 16 јули треба да се засукаат ракавите и на работа. Тој предизвик не е лесен, но колку што крајната цел е поголема, толку победата е поголема, порача претседателот на ВМРО ДПМНЕ, Христијан Мицкоски од село Таринци во Општина Карбинци на последниот ден од кампањата на карванот на коалицијата „За Обнова на Македонија“ во пресрет на изборите.
„Да се обединиме со народот, како што и секогаш во минатото македонскиот народ се обединувал заедно со своите сограѓани, кога било најтешко и се исправал пред многуброен и пред многу помоќен противник од ова раководство на СДСМ. Но, тогаш го победувал, така ќе биде и сега, пред голема, историски најголема победа сме на 15 јули“, рече Мицкоски.
Забележа дека овие избори се поразлични, бидејќи, како што рече, народот одлучува каква иднина ќе има – во каква држава сакаме да живеат нашите потомци, но и во држава во која, како што рече, би биле горди нашите предци. Затоа на овие избори, според Мицковски, разликата меѓу ВМРО-ДПМНЕ и СДСМ ќе биде два спрема еден.
„Јас уште од првиот наш собир во Охрид и во овие 19 дена кампања чувствувам една голема енергија што се обединува околу „Обновата“ без разлика на етничките и верски разлики. Чувствувам дека се буди пирејот во секој еден од нас, одлучен да победи и да стави крај на понишувањата и срамот“, вели Мицковски.
Тој пред жителите на Општина Карбинци истакна дека се поразлични од нивниот противник и во делот на програмата што ја нудат, бидејќи, како што рече, покрај тоа што во неа има 1.000 проекти за секој граѓанин и истите се обврза дека ќе бидат исполнети.