Претседателот на Српската народна партија и нејзиното раководство неодамна бреа во Претседателството на Србија за да се „пресметаат“ со претседателот Александар Вучиќ, а денеска на Твитер објавија и видеоснимка од инцидентот кој беше на раб да прерасне во тепачка.
Опозициските политичари се појавија во зградата на Претседателството по „повик“ од Вучиќ „да дојдат да го линчуваат“. Откако пред два дена се огласи Јеремиќ велејќи дека отишол кај претседателот да го праша „дали е нормален“, бидејќи го повикал на тепачка и дека притоа Вучиќ „му се внесол во лице и го пцуел“.
Соработникот на Вучиќ, Милош Вучевиќ, пак, истакна дека работите се одвивале малку поинаку и дерка претставници на Народната партија се појавиле во Претседателството со намера да направат маркетиншки маневар.
Rekao je @avucic da su se Vuk Jeremić, Miki Aleksić, Vladimir Gajić i Bora Novaković uplašili i pobegli iz Predsedništva.
⚠️ Ali, evo EKSKLUZIVNOG SNIMKA, kako je bilo…@jeremic_vuk @MiikiAleksic @bora_novakovic @vladimirgajic1 pic.twitter.com/YpEpOfe0kn
— Narodna stranka (@StrankaNarodna) June 27, 2021
На објавената видеоснимка се слуша расправа Вучиќ и Јеремиќ во која меѓусебно се повикуваат надвор да се пресметаат.
Јеремиќ прво му вели на Вучиќ „ајде излези ако смееш, сакаш ли да излеземе“ на што српскиот претседател му возвраќа „да излеземе? Ајде. Сакаш тука надвор да излеземе“.
Потоа обезбедувањето му вели на претседателот Вучиќ дека излегување пред зградата не е добра идеја, со оглед дека надвор сè се снима во живо. Вучиќ се повлече од намерата, па членовитe на партијата на Јеремиќ се обидоа да го испровоцираат, велејќи му дека се исплашил, на што претседателот имаше подготвен одговор „од тебе да се уплашам девојче, ти ли ќе ме линчуваш девојче“.