Светските медиуми се преполни со написи за очекувања и прогнози од посетата на германската канцеларка Ангела Меркел на Соединетите Американски Држави. На фактот што ова е прва посета на некој европски лидер на Белата куќа откако во неа се „всели“ претседателот Џо Бајден и тоа што тоа не е никој друг туку германската канцеларка, се гледа како на испраќање сигнал дека САД сакаат да ги поправат односите со Германија како со свој долгогодишен и докажан сојузник, откако буквално претрпе многу напади за време на мандатот на претходниот американски претседател Доналд Трамп, анализира Ројтерс. Иако и двете земји се клучни играчи во НАТО, не е мал бројот на прашањата околу кои има долгогодишна непомирливост. Па, така на листата „тешки прашања“, се очекува да се најде прашањето за гасоводот „Северен тек 2“ кој се гради од Русија до Германија под Балтичкото море а, за кој официјален Вашингтон стравува дека ќе го зголеми европското потпирање на рускиот гас. Токму поради традиционално добрите односи на Германија со Русија,и според некои аналитичари, доминацијата на Русија, Меркел честопати се соочуваше со критики кои и припишуваа одреден степен на русофилија, дополнително и поради тоа што таа до одредена возраст живееше во Источна Германија, каде владееше комунистички режим, и поради течното говорење на Рускиот јазик.
Инаку критиката за изградбата на ,,Руски тек 2“ –гасоводот не само што е критикуван од актуелниот претседател Бајден, тој своевремено беше критикуван и од Буш кој сметаше дека не само што ја зголемува Германската зависност од Русија, туку ја комплицира ситуацијата со Украина. Но, Буш сакаше да ја разбере Меркел со нејзиното водење на поинаква политика кон Путин , за разлика од САД, зашто ,,секоја земја тука мора да го пронајде својот пат“, сметал Буш, пишува Дојче Веле.
Медиумот го споменува и поранешниот канцелар Герхард Шредер кој беше дури и личен пријател со Путин.
САД и Германија не се согласуваат и околу економската соработка со Кина, натаму продолжението на ограничените патувања впо САД од Европа и противењето на Германија со привремено одрекување од патентите чија цел е забрзување на производството на вакцини против ковид 19. Но за да не биде дека, во очи на денешната средба Бајден-Меркел во Белата Куќа во Вашингтон , се потенцираат само темите околу кои има разлики. Несомнено е дека двата лидера ќе зборуваат за ,, здружување на силите во борбата против заканувачите на демократијата ширум светот, сузбивањето на Руските сајбер- напади и како гледаат на ,,територијалната агресија во источна Европа и напорите на Кина да доминира со напредните технологии“, пишува влијателниот Политико. Окончувањето на пандемијата и ублажувањето на последиците од климатските промени ќе биде исто така тема на агендата.