Зграда со седум спрата и десетина станари во неа почнала да се урива во белградаската нселба Врачар околу 11 часот, јавува РТС. Сите лица се евакуирани на безбедно место во очекување да пристигне градежна инспекција.
Станарите веруваат дека нивниот објект се урнал поради работи на градилиште во близина на кое веќе цел месец се копаат темели за нова станбена зграда. Тие, како што пренесува српскиот јавен сервис, веќе подолго време предупредувале на опасност од уривање на зградата, бидејќи во изминатите денови имало пукање на ѕидови и плочки.
Како што јавува РТС, зградата не е целосно урната, туку дел од становите на приземјето, меѓутоа од безбедносни причини биле евакуирани сите станари кои се затекнале во становите.
Од Министерството за внатрешни работи на Србија соопштија дека нема повредени лица.