Стивен Хармон (34) од Калифорнија, човекот кој преку социјалните мрежи се потсмеваше на антиковид вакцините почина по едномесечна борба со коронавирусот. Тој се лекувал од пневмонија и Ковид-19 во болница пред Лос Анџелес, каде починал во средата.
Хармон беше член на црквата Хилсонг, беше гласен противник на вакцините, правејќи низа шеги на сметка на имунизацијата против Ковид-19. Тој во јуни на Твитер објави пост во кој вели дека добил многу проблеми, но ниту една вакцина.
„Добив 99 проблеми, но ниту една вакцина“, твитна 34-годишникот на своите 7.000 следбеници.
Во деновите пред неговата смрт, Хармон ја документираше својата борба да остане жив, објавувајќи фотографии од неговиот болнички кревет.
„Молете се сите, тие навистина сакаат да ме интубираат и да ме стават на респиратор“, пишал тој.
Во својот последен твит тој сепак открил дека бил подготвен да биде интубиран.
„Не знам кога ќе се разбудам, молете се за мене“, напиша тој.
И покрај тешката борба со вирусот, Хармон сепак одбил да прими вакцина, велејќи дека неговата вера ќе го заштити.
Пред да почине, тој се шегувал со пандемијата и вакцините, споделувајќи смешни видео инсерти во кои се вели дека повеќе и верува на Библијата отколку на врвниот американски експерт за болести, д-р Ентони Фаучи.
Основачот на Хилсонг, Брајан Хјустон, во четвртокот преку твит ја потврди веста за смртта на Стивен Хармон.
“Бен штотуку ни ја пренесе поразителната вест дека нашиот сакан пријател, Стивен Хармон почина од Ковид”, рече Хјустон.