Италијанскиот премиер Драги: Можно е да воведеме задолжителна вакцина против ковид-19

Италија би можела да воведе задолжителна вакцинација против ковид-19 за сите од одредена возраст, изјави синоќа италијанскиот премиер Марио Драги.

Покрај тоа, засилувачките дози на вакцини против ковид за ранливите луѓе треба да почнат да се администрираат во Италија во текот на овој месец, рече Драги.

Италијанската влада воведе задолжителна вакцинација за здравствените работници, но Драги е на мислење дека секој треба да биде обврзан да биде вакциниран, откако европските здравствени власти ќе дадат целосно одобрување за вакцините.