Поради дефект на приклучна цевка „Ф-1“ на улица „6“ во село Бардовци, прекинато водоснабдување ќе имаат дел од корисниците од селото.
Како што информираат од ЈП „Водовод и канализација“ водоснабдувањето ќе биде прекинато од 10 часот до санирање на дефектот.
Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради менување на водоводен вентил во шахта на улица „Никола Русински“ бр. 12, од 09:30 часот до завршување на интервенцијата, прекинато водоснабдување ќе имаат корисниците од истата улица во Општина Карпош.
Поради појавен уличен дефект на водоводна мрежа со пречник од ф-80мм на ул. Тиквешка бб, водата е затворена и прекинато водоснабдување имаат корисниците од дел од истата улица. На отстранување на дефектот во Општина Шуто Оризари ќе се работи во текот на претпладневните часови.