Претседателот на Демократската Унија за Интеграција (ДУИ), Али Ахмети им
се заблагодари на сите граѓани за поддршката на вчерашните локални
избори на кои, како што истакна, се докажа дека ДУИ е најголемата албанска политичка сила во земјата.
И овојпат заедно остваривме победа и јас сум многу благодарен за придонесот на секој од вас за време на кампањата и изборниот процес. ДУИ е ваша, тоа е национален проект во кој сите имаме удел и ви ветувам дека никогаш нема да ве разочарам, истакнал Ахмети во обраќањето до граѓаните.
Одговорноста што ми ја давате со вашата доверба e благослов и поттик да се направи уште повеќе, уште подобро. Заедно сме на овој пат и заедно ќе го направиме секој чекор со сите граѓани. Оваа победа е ваша, на сите граѓани, истакнал претседателот на ДУИ.