Напаѓачот на Португалија, Кристијано Роналдо го коментираше поразот од Србија (1:2) во мечот од последното 10-то коло во квалификациите за Светското првенство во 2022 година.
Фудбалот постојано ни покажува дека понекогаш најтешките патеки водат до најпосакуваните резултати. Вчерашниот пораз беше тежок, но не доволен да нè одведе на погрешен пат. Нашата цел е да стигнеме до Светското првенство и знаеме што треба да направиме за ова. Нема оправдувања. Португалија ќе оди во Катар, порачува Роналдо.
Португалија заврши на второто место во групата во квалификациите и ќе игра во баражот за Светското првенство во Катар. Србија како првопласирана во групата обезбеди директно учество на Мундијалот во 2022 година.