Неколку стотици лица вчера протестираа во Луксембург против анти-ковид мерките, јавија француските медиуми, додавајќи дека полицијата која го обезбедуваше протестот употребила водени топови и го растурила собирот, притоа апсејќи и неколку демонстранти.
Хеликоптери и дронови ги надлетуваа демонстрантите кои извикуваа „Слобода“, а на помош на луксембуршката полиција дојде и полицијата од соседна Белгија, поради нередите што на сличен собир избија на 4 декември.
Полицијата ја потисна групата демонстранти кои фрлаа петарди и димни бомби во поставените полициски барикади во центарот на градот. Приведени се повеќе од 10 лица.
Властите ги заострија мерките против коронавирусот. Во Луксембург е задолжителен ковид сертификат за влез во згради во кои се одржуваат културни и забавни настани.
Ковид сертификат или негативен тест за коронавирус од 15 јануари ќе бидат задолжителни и за вработените во сите фирми.