Бугарија не гледа потреба од распоредување на НАТО војници на своја територија, како одговор на трупањето на руски сили долж границата со Украина, изјави бугарскиот министер за одбрана Стефан Јанев.
Тој ги потврди извештаите дека во НАТО се разговарало за различни опции, вклучително и за присуство на бугарски и романски војници во Црното Море.
Мојот став е дека таквиот пристап потенцијално може да доведе до непосакувано зголемување на тензиите во регионот. Во таа смисла, не верувам дека постојат реални околности кои можат да ја оправдаат одлуката во врска со распоредување на дополнителни војници на територијата на Бугарија, напиша Јанев.
Тој додаде дека Бугарија, која се приклучи на НАТО во 2004 година, внимателно ќе ја следи ситуацијата и подготвена е да го зголеми капацитетот на своите вооружени сили, како дел од засилените напори на НАТО за одвраќање и одбрана, доколку е потребно.