50 македонски државјани од кои 20-тина во Киев чекаат да ја напуштат Украина, рече на денешниот брифинг министерот за внатрешни работи Бујар Османи.
Османи вели дека меѓу државјаните на Северна Македонија кои чекаат да бидат извлечени од земјата се и едно семејство со бебе старо пет дена. Тие се наоѓале во украинскиот град Харков каде деновиве се водат и најжестоките борби помеѓу руската и украинската војска. Министерот Османи се надева дека ова семејство ќе биде евакуирано од Харков во текот на денешниот ден.
„Има проблем и со транспортери кои се на границата во Украина, не ги пуштаат зошто носат руска стока. Возачите се безбедни, во камионите се се преговара да ги пуштат“, рече Османи и додаде дека ситуацијата на терен се влошува и оти очекувал разгорување на конфликтот.
Османи додаде дека Украинската амбасада побарала, ако дојдат бегалци, да не им се бараат сертификати за вакцинација, за да не се усложнува работата.
„Северна Македонија се приклучи кон серијата на санкции и мерки против Русија меѓу кои и затворање на воздушниот простор за руски авиони, укинување на руските телевизии на операторите во земјава“, рече шефот на дипломатијата Бујар Османи.
Исто така најави дека покрај воена помош, Украина ќе добие и хуманитарна помош.