Прогресивниот синдикат на образование при Сојузот на синдикати на Македонија смета дека во моментот линеарното зголемување на платите во јавниот сектор за најмалку 2.800 денари е најодржливото решение.
Бараат со Законот за наставници и стручни соработници да се регулира идното зголемување на платите во образованието, процентуално, согласно зголемувањето на минималната плата, да се реши статусот на вработените на определено време и сите идни вработувања во образованието да бидат на неопределено време.
– Доколку СОНК го поддржи ова наше барање ние ќе се приклучиме официјално кон штрајкот, а се разбира ССМ веќе соопшти дека ги става на располагање своите капацитети во насока на спроведување на активностите кои ги преземаат синдикатите за зголемување на платите за најмалку 2.800 денари во нето износ за сите вработени, вклучително и просветните работници, се вели во денешното соопштение од Синдикатот.
Оттаму додаваат дека нивните членови сами одлучуваат дали и кога ќе го поддржат штрајкот на СОНК.