„Уште од првиот ден од мандатот, ВМРО-ДПМНЕ очајно и неуспешно се обидува да го дискредитира претседателот Димитар Ковачевски. Лидерството, способноста, решителноста и успехот на Ковачевски во менаџирање на најголемата економско-енергетска криза предизвикаа страв и очај во ВМРО-ДПМНЕ. Христијан Мицкоски се плаши од Димитар Ковачевски“, велат денеска од СДСМ.
„Од друга страна, и ВМРО – ДПМНЕ и Мицкоски се уште бараат начин да го баранат, да го замаскираат и оправдаат криминалот на Никола Груевски. Наместо да се извинат и оградат од неговите злодела. Бројни судски пресуди како што се предметите Титаник, Тенк, Тврдина – Таргет, Плацови на Водно каде се изречени правосилни затворски казни за голем број високи функционери на партијата, како и за Никола Груевски, се потврда на криминалот на ВМРО-ДПМНЕ, велат од СДСМ.
Според нив „Скопје 2014” е барокна пералница на 1 милијарда народни пари/
Бегање од одговорноста за сторен криминал нема. Тоа што ВМРО- ДПМНЕ се уште се обидува да го рехабилитира Никола Груевски дава одговор зошто единствено Мицкоски не аплаудираше во парламентот кога се ратификуваше нашето членство во НАТО Алијансата“, истакнуваат од Бихаќка.