Во текот на големите поморски вежби во Балтичкото Море, во кои ќе учествуваат околу 30 бродови и повеќе од 3.000 припадници на западните сили, првпат ќе вежбаме одговор на руски напад во регионот, изјави командант на германската морнарица, објави Ројтерс.
Во двонеделната вежба „Северните брегови“, која треба да започне следната сабота на 9 септември, ќе учествуваат војници на сите балтички земји на НАТО, плус Шведска која наскоро ќе стане членка, како и САД, Канада и Франција.
„Испраќаме јасна порака до Русија: НЕ додека сме ние на должност“, изјави во Берлин вицеадмиралот Јан Кристијан Каак.
Безбедноста на морските патишта низ Балтичкото Море е уште еден фокус на вежбата што ќе се одржи во близина на бреговите на Летонија и Естонија.
„Финска и балтичките земји зависат речиси 100% од поморските патишта за снабдување низ Балтичкото Море“, истакна Каак.
Американската морнарица на вежбите ќе го испрати бродот „Меса Верде“, долг 200 метри, наменет за превоз на околу 800 маринци.
Тоа ќе биде прва вежба од вакви размери што германската морнарица, најголемата морнарица на Балтичкото Море според Каак, ќе ја командува од нејзиниот нов поморски штаб во Росток, кој штотуку достигна оперативна готовност.
Г. Т.