Илјадници луѓе на главните улици и булевари во Белград, некои седнати на скалите пред влезовите на зградите, со шолја кафе во рака чекаат – ништо помалку од револуција, пишува австриски Стандард, а пренесува Дојче веле.
„Во Белград е пролет. Од утрото од сите страни се слушаат свирежи и сирени кои стануваат се погласни и погласни. „Илјадници луѓе на главните улици и булевари, кои се целосно затворени во центарот“, пишува австриски Стандард за Белград на 15 март, а пренесува ДВ .
„Граѓаните поставија маси на тротоарите. На демонстрантите им делат освежување: вода, грицки, па дури и ќебапи. Многумина едноставно седат на скалите пред влезовите на зградите, со шолја кафе во рака и чекаат – ништо помалку од револуција.
Некои носеа звучници за да пуштаат музика. Во еден агол мало девојче танцува со два пропелери во рацете, следејќи го ритамот на песните. „Неколку луѓе носат транспаренти со зборовите: „Пумпа!“, со нацртано срце до него“, ја опишува авторката Аделхјад Волфли.
„Протестното движење се издвојува пред се по својата истрајност“, забележува авторот. „Веќе четири месеци факултетите се блокирани, веќе четири месеци студентите патуваат низ државата и секаде се пречекани со голема радост, како да се долгоочекувани ослободители од репресивен систем. Многу групи во српското општество – од сите можни идеолошки кругови, сите генерации и општествени класи – се приклучија на протестот во последните недели“.
„Едно е јасно: нема да дозволат режимот да ги избрка студентите. Ноќта меѓу петокот и саботата непознати лица нападнале професор и студент пред Техничкиот факултет. „Сепак, на режимот ќе му биде тешко да ги потисне протестите со насилство, бидејќи сега ги има премногу – премногу што сакаат правна држава и демократија, а не корумпирана автократија што моментално владее во Србија“, пишува Стандард.
За протестите пишуват и италијанските медиуми.
Огромна толпа луѓе во Белград протестира против владеењето на претседателот Александар Вучиќ и неговата влада, пишува италијанскиот весник „Il sole 24 ore“, нагласувајќи дека ова е кулминација на повеќемесечните речиси секојдневни протести поради корупцијата во владата.
„Овие протести се најголемиот предизвик за цврстата контрола на Вучиќ над власта во Србија во последните 13 години“, пишува италијанскиот деловен дневен весник.
Со будно око протестите ги следат и хрватските медиуми.
Десетици илјади граѓани утринава пристигнаа во Белград на масовен студентски и граѓански протест кој се проценува дека е еден од најголемите собири во поновата историја на Србија, објавија денеска хрватските медиуми.