Во масовниот руски напад врз Кијив во текот на ноќта загинаа девет лица, 63 беа повредени, а 42 лица беа хоспитализирани, меѓу кои шест деца, соопшти Државната служба за итни случаи на Украина.
Во нападот се оштетени станбени згради, а потрагата по луѓе под урнатините е во тек, објави Укринформ.
Пријавени се пожари во гаражи, административни и деловни згради, а изгорени се и автомобили и сува трева поради паѓање на запалив отпад.
Противпожарните екипи ги локализираа и изгаснаа пожарите, а последиците од гранатирањето се отстрануваат во пет градски квартови.
На терен се распоредени и тимови од психолози и кучиња специјализирани за потрага и спасување.