Соединетите Американски Држави префрлаат воени сили, вклучително и воени бродови, на Блискиот Исток како одговор на неодамнешните израелски напади врз Иран и можниот одговор од Техеран, соопштија денеска американски функционери.
Американската морнарица му наложи на разурнувачот „Томас Хаднер“ да се упати кон источниот дел на Средоземното Море, а слична наредба добил и друг разурнувач, кој ќе биде во готовност доколку Белата куќа побара акција. Претседателот Доналд Трамп треба да се сретне со челниците на Советот за национална безбедност за да ја разгледа ситуацијата.
Американските воени сили во регионот со денови преземаат мерки на претпазливост, вклучително и доброволно заминување на персоналот кој е зависен од војската во регионалните бази, во очекување на напад и за заштита на тој персонал во случај на одговор од Техеран.
Вообичаено, на Блискиот Исток се распоредени околу 30.000 американски војници. Но, тој број се зголеми на 43.000 минатиот октомври поради зголемените тензии меѓу Израел и Иран, како и поради континуираните напади на поддржаните од Иран јеменски Хути врз трговски и воени бродови во Црвеното Море.