На денешната прес конференција, портпаролката на СДСМ, Богданка Кузеска, алармираше за сериозен сомнеж за криминал од огромни размери што се подготвува од Владата предводена од ВМРО-ДПМНЕ.
Пред очите на јавноста се одвива уште еден „проект“ без план, без документација, без јасни рокови – но со веќе позната цена од 2 милијарди евра. За пругата на Коридорот 10, која ја најави Мицкоски, не постои ниту еден лист хартија, но веќе се знае колку ќе чини, вели Кузеска.
Таа прашува како е дојдено до бројката 2 милјарди ерва ако нема проект, студија и анализа на трасата.
Кој и врз основа на што ја пресметал? Одговорот се наметнува сам: Се пресметува провизијата, не трошокот. Ова е подготовка за најголемиот тендерски криминал во поновата историја. ВМРО-ДПМНЕ го повторува моделот: се ветува мегапроект без основа, се зголемува цената однапред, се отвора пат за перење пари и за богатење на партискиот врв. И во целата таа матрица на измама – Мицкоски вели пругата ќе почне до крајот на годината, а министерката Кочоска изјавува дека нема да почне ни до 2027 година. Дали ова е координирано лажење на јавноста или само доказ дека во Владата владее хаос и нема контрола над сопствените лаги?, рече портпаролката на денешната прес конференција.
Богданка Кузеска испрати и прашања за премиерот Христијан Мицкоски.
Како се знае дека пругата ќе чини 2 милијарди евра ако нема проект?
Дали цената е договорена однапред со кредиторот?
Кој ќе го добие тендерот? И по кои критериуми?
Дали јавноста ќе види физибилити студија?
Или пак ова е уште една зделка во која ќе исчезнат милиони како во минатото?
Комични се обидите да се прикаже некаков инвестициски бум. Во реалноста, оваа Влада едвај ги довршува проектите почнати од СДСМ, а новите проекти се само обични наслови и надуени цифри – зад кои стои многу сериозен сомнеж за злоупотреба, вели таа.
На прес конференцијата потенцираше дека СДСМ нема да молчат, ќе ги следат сите чекори од овој процес, ќе бараат увид во сите документи и ќе ја инфомираат јавноста за секој сомнеж за секој тендер и договор.
И ако Мицкоски мисли дека ќе помине незабележано, се лаже. Одговорснот ќе има, секој ќе одговара, потенцираше Кузеска.