Published: Saturday, October 18, 2025 22:45
Најавениот протест против американскиот претседател Доналд Трамп почна во Њујорк, како прв од повеќе од 2.500 собири, што денеска се организираат низ САД.
Илјадници луѓе веќе го исполнија Тајмс Сквер за собирот организиран од коалиција на организации собрани во движењето „Без кралеви“ (No kings), кое собира милиони граѓани против, како што велат организаторите, „авторитарната политика“ на американскиот претседател Доналд Трамп.
Протестите почнаа и во Вашингтон, Портланд, Чикаго, Атланта и Бостон и засега тие се одвиваат мирно, објави Си-Ен-Ен.