Привремениот премиер Емил Димитриев денеска до Собранието ги доставил оставките на министрите за внатрешни работи и труд и социјална политика, и замениците министри од редовите на СДСМ, кои на функција стапија по Договорот од Пржино.
Димитриев предлага за министер за внатрешни работи да се именува Митко Чавков, додека за труд и социјална политика, Диме Спасов.
Во дописот до Собранието Димитриев побарал изборот на новите министри за внатрешни и за труд и социјална политика да биде извршено на денешната 101 седница, на која пак единствена точка на дневен ред беше најавена oдложувањето на изборите, за подоцна да биде дополнета со предлог за избор на членови на Владата.
Пред изборот на министрите, Собранието треба да ги констатира оставките на Спасовски, Ременски и на дополнителните министри од редовите на СДСМ.
Спасовски и Ташевска Ременски, како и дополнителните заменици министри од редовите на СДСМ поднесоа оставки на 6 април оваа година.