Лидерот на СДСМ, Зоран Заев, на денешната прес-конференција потсети на ултиматумот кој Шарената револуција и го објави на власта, а кој тој го поддржува.
Како што потенцираше тој, клучните два чекори за решавање на кризата се до 18.јуни, Уставниот суд да се произнесе за уставноста на Специјалното јавно обвинителство за како што рече, да се тргне меќот од главата на оваа институција, како и да се ослободат приведените демонстранти, односно да се запре прогонот над нив од страна на МВР.
„За правда воопшто не се преговара“, порача Заев.
Тој воедно се наврати и на пораките на СДСМ за повлекување на аболицијата и за свикувањето на Парламентот.
„Рековме аболиците да се поништат и тоа се случи, рековме има уставен и законски основ за свикување на Парламентот и тоа се докажа, рековме дека нема да има избори, и тоа се случи. Зборот е збор, правда ќе има“, рече Заев.
Лидерот на СДСМ, порача дека на опозицијата не и смета форматот на формирање нова влада, дали таа ќе биде техничка, реформска или преодна, туку истата да биде гарантор за исполнување на предусловите за кредибилни избори, кои се содржав во Договорот од Пржино.
Прашан за аболицијата која ја доби од тогашниот претседател Бранко Црвенковски за т.ц Глобал, Заев упати порака до Ѓорѓе Иванов, ако има уставна и законска можност, веднаш да ја укине аболицијата.