Лидерите на четирите политички партии потписнички на Пржинскиот договор, Никола Груевски од ВМРО-ДПМНЕ, Зоран Заев од СДСМ, Мендух Тачи од ДПА и Али Ахмети од ДУИ пристигнаа во Клубот на пратениците за каде е закажана лидерската средба – одлучувачка за избори.
Последен пристигна Груевски, кој дојде по 40 минути од закажаната средба.
Освен Груевски, на средбата присутен е и вицепремиерот и министер за здравство Никола Тодоров, со Заев се заменик-претседателката на СДСМ Радмила Шекеринска и пратеничката Рената Десковска, додека со Ахмети е неговиот партиец Артан Груби, а Мендух Тачи го придружува пратеникот Имер Алиу.
Лидерите со посредство на американскиот амбасадор Џес Бејли и претставник од канцеларијата на ЕУ во Скопје треба да констатираат дали се исполнети условите за одржување на фер избори.
Ад-хок телото за мониторинг на медиумите е единствено отворено прашање, откако Телото не успеа да го избере петтиот член – Албанец непсоредно пред лидерската средба.