Во обраќање до јавноста, поранешната државна секретарка на САД, Медлин Олбрајт посочува дека потребен е заеднички и глобален одговор на мигрантската криза, бидејќи и самата таа била бегалец пред да застане на чело на една од најзначајните политички функции на САД.
– Дојдов во САД како бегалка кога имав 11 години. Татко ми беше дипломат и силен поддржувач на Чехословачка, и кога Комунистите ја зедоа власта, бевме приморани да бараме азил. Во ноември 1948 година стигнавме во САД. Тоа што станав жителка на САД е најважната работа која некогаш ми се случила во животот. Татко ми велеше кога бевме во Европа за време на Втората светска војна луѓето ќе речеле „Жал ни е за вашите проблеми и се надеваме дека имате се што ви треба: кога заминувате и се враќате дома?“ Но во Амаерика луѓето велат „ Жал ни е за вашите проблеми и се надеваме дека имате се што ви треба: кога ќе станете државјанин?“, вели Олбрајт помеѓу другото.
Според неа, во Америка има најмногу бегалци за разлика од било која земја бидејќи земјата ја почитувала една од најстарите традиции: да им се пружи помош на најранливите.
Таа ги повикува лидерите во светот да го следат примерот на САД и да ги отворат вратите за луѓето кои ги напуштаат своите домови.
– Бидејќи светот се соочува со најголемата миграција од Втората светска војна наваму, никогаш не било поважно за светските лидери да го следат примерот на Америка и да работат заедно за да направат повеќе за бегалците. За време на администрацијата на претседателот Обама го зголемивме бројот на прифатени бегалци до 85.000 а помеѓу нив и 10.000 Сиријци. Од следната недела, за во следната година, САД се обврзува да биде дом за 110.000 бегалци од целиот свет, дополнува таа.
Олбрајт нагласува дека кога земјите со недоволно ресурси ги земаат бегалците, тоа креира уште поголема нестабилност низ целиот свет.
– Ако им ја треснеме вратата на бегалците со различна религиска определба, ги погазуваме принципите на плурализам и различност, порачува американската државна секретарка која беше на функција од 1993 до 1997 година.