Барселона се подготвува за офанзива на фудбалскиот пазар во јануарскиот преоден рок. На „Камп Ноу“ е изготвена и листа со пет желби за што пишуваат шпанските медиуми и нагласуваат дека најмалку еден од потцртаните играчи со сигурност ќе пристигне меѓу Каталонците. Во фокусот е освежување на одбраната. но не е исклучена можност за зголемување на конкуренцијата и другите линии на екипата.
Прв на желбениот список на Луис Енрике е Ектор Белерин иако шпанскиот десен бек го продолжи договорот со Арсенал. Тренерот на Барселона не крие дека ќе стори сè како би ги обезбедил неговите услуги и верува дека совршено би се вклопил во играта на неговата екипа.
Следен по Белерин е Марио Гаспар кој во моментот е член на Вилјареал, потоа Фабињо од Монако, а мета и во претстојниот преоден рок ќе биде Маркињос од ПСЖ. Последен во низата е Микел Ојарзабала од Реал Сосиедад.