Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Фудбал: Шпанија по рутина, Македонија по чудо

0
By Нова ТВ on November 12, 2016 СПОРТ
Фото: ffm.mk
СПОДЕЛИ
Facebook Twitter LinkedIn Email
Published: Saturday, November 12, 2016 14:20

Македонската фудбалска репрезентација вечерва го игра четвртиот натпревар во циклусот квалификации за Светското првенство во 2018 година. Гостува кај фаворизираната Шпанија во обид што е можно повеќе да ја намачи и што поскапо да ја продаде сопствената кожа. Најави и очекувања за победа нема. И во случај да беа испорачани ќе беа несериозни и за рубриката „неверојатно“ бидејќи илузорни се закани кон еден од најкомплетните репрезентативни состави на денешницата. Затоа фокусот е ставен на играта, на желбата за надигрување и парирање на моќниот противник што е во контекст и она нашироко распространето и прифатено сфаќање – „и да загубат само да одиграат како треба, да трчаат, да се борат, да покажат жар наместо да загубат предвреме и без борба“. Мечот на „Лос Карменес“ во Гранада почнува во 20.45 часот.

Текот и исходот на средбата вечерва во голема мера ќе зависи од Шпанија. „Црвената фурија“ е ослабена со неиграњето на Рамос, Пике, Иниета, Диего Коста, Жорди Алба. Шанса од клупата ќе чекаат Мата, Аспиликуета, Ескудеро, Ерера, Нолито. Лопетеги е принуден да менува во, речиси, сите линии (освен голманската) и да изведе тим што ретко кога ќе почне заедно во иднина. Дел од надежите на Македонија за добар настап се полагаат во (не)воиграноста меѓутоа никако не смее да се заборави фактот дека Шпанците имаат квалитетни поединци со кои може да се состави повеќе од една селекција што ќе биде подеднакво конкурентна.

Фото: ffm.mk
Фото: ffm.mk

Вториот момент што би можел да биде во корист на составот на Игор Ангеловски е пристапот на домашните. Евентуален потценувачки однос, во што се надеваат и посакуваат во нашиот табор, би можел да значи предуслов за резултатско изненадување. Но, познавајќи ги Шпанците какви професионалци се и што сè носат на плеќи како одговорност од лично реноме и на дресот во кој се, малку веројатно е дека ќе излезат од тунел на тревник со веќе направена табела и впишани три бода на контото. Ако помислат дека самото нивно појавување е доволно за победа, тогаш до израз ќе дојде Македонија чии репрезентативци, сепак, ќе мора и да одработат како би можеле да уживаат во потенцијален позитивен резултат што ќе одекне како бомба ширум планетата.

Ангеловски ќе почне со најмалку тројца младинци 

Селекторот Ангеловски за овој дуел не можеше да смета на тројца искусни играчи. Иван Тричковски отпадна поради приватни причини, Агим Ибраими и Александар Трајковски поради повреди. На помош се повикани осуммина од младата селекција и најмалку тројца, според најавите од Гранада, ќе почнат вечерва за што сè уште нема потврда. Една од дилемите е местото меѓу стативите и се однесува на Столе Димитриевски или Игор Алексовски, во дефанзивната линија сигурно ќе биде вметнат Дарко Велковски, освежувачки опции за средниот ред се Енис Барди и Давид Бабунски како поддршка за Алиоски и Хасани. Нападот останува со Пандев и Несторовски и со Бесарт Ибраими како опција од клупата што беше случај и во дуелите со Албанија, Израел и Италија.

Фото: ffm.mk
Фото: ffm.mk

„Формациски нема да менуваме ништо. Можни се персонални промени на неколку позиции, на голманската и на уште две во тимот. Можеби имаме најмлада репрезентација, но тоа не ме плаши. Верувам во овие момчиња. Во фудбалот се важни поединците, а најважен е, сепак, тимот. Мора да одиграме колективно. Само таа можеме да им се спротивставиме на Шпанците“, порача Ангеловски пред вечерашниот меч.

Тој останува доследен на формација 3-5-2 со затворање на крилните позиции со Ристовски и Жута, со подефанзивни обврски за играчите во средината и со контранападите како оружје за совладување на Давид де Хеа.

„Шпанија можеби е хендикепирана со неиграњето на неколку нејзини фудбалери што не смее да нè залаже. И без нив имаат широк избор на квалитет“, дополни кормиларот на националниот тим.

Пандев се надева дека Шпанците ќе остават доста простор за контри

Оптимистички тонови за добар настап во Гранада од Горан Пандев. Капитенот ја признава фаворитската улога на домашната репрезентација, но изразува и верба дека Македонија ќе постигне гол на „Лос Карменес“ и ќе се претстави во светло издание пред шпанската публика.

Фото: ffm.mk
Фото: ffm.mk

„Одигравме три одлични мечеви во квалификациите досега и не заслуживме, според прикажаното, да бидеме во ваква позиција на табелата. Во тимот имаме и млади играчи кои со нетрпение ја очекуваат средбата. Се надевам дека Шпанците ќе остават доста простор за нас и за нашите контри“, коментира Пандев пред шестата репрезентативна пресметка меѓу Македонија и Шпанија.

Четвртата рунда во нашата група денеска носи уште два меча. Италија ќе гостува во Лихтенштајн, а Албанија и Израел ќе играат во Елбасан.

Квалификации за СП 2018

Група Г

Шпанија – Македонија (20.45 ч.)

Албанија – Израел (20.45 ч.)

Лихтенштајн – Италија (20.45 ч.)

Табела: Шпанија 7, Италија 7, Израел 6, Албанија 6, Македонија 0, Лихтенштан 0.

Група Д

Австрија – Република Ирска (18 ч.)

Грузија – Молдавија (18 ч.)

Велс – Србија (20.45 ч.)

Табела: Србија 7, Република Ирска 7, Велс 5, Австрија 4, Грузија 1, Молдавија 0.

Група И

Хрватска – Исланд (18 ч.)

Турција – Косово (18 ч.)

Украина – Финска (20.45 ч.)

Табела: Хрватска 7, Исланд 7, Украина 5, Турција 2, Финска 1, Косово 1.

 

 

 

 

Горан Пандев Игор Ангеловски квалификации за СП 2018 Македонија фудбал Шпанија
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.