Грција денес го отфрли барањето на Анкара за екстрадиција на три турски воени лица кои избегаа во Грција по неуспешниот пуч во Турција.
Анкара бараше екстрадиција на трите војни лица кои избегаа во Грција со уште петмина офицери и ги обвини за “обид за уривање на избраната влада на земјата” и “обид за убиство на турскиот претседател”.
Судскиот совет на грчкиот Апелационен суд, задолжен за екстрадиции, ќе ја даде својата одлука за другите петмина турски офицери.
Според грчкото право финалната одлука на екстрадиција му припаѓа на министерот за правда а Турција може да поднесе жалба до грчкиот Врховен суд.
Според извори во судот, денешната одлука е донесена поради тоа што судиите сметале дека животот на тројцата офицери е во опасност доколку тие бидат екстрадирани во Турција како тортура и понижувачки третман. Грчките судии сметале дека доказите на Турција не се доволни за екстрадиција на офицерите.
Кога на 16 јули годинава осуммината турски офицери со хеликоптер стасаа во Грција тие на грчките власти им кажаа дека стравуваат за нивните животи и тврделе дека не се вмешани во пучот.
Нивните барања за азил беа отфрлени во септември на првостепен суд но тие поднесоа жалба на оваа одлука.
Случајот на овие офицери е проблем за Грција која смета на помошта на турскиот сосед во бегалската криза.
Неодамна генералниот секретар на НАТО изјави дека многу турски офицери побарале азил во повеќе европски земји по неуспешниот пуч во Турција.