Почеток на година со трофеј по победа во финале против најголемиот ривал. Ова го нотира Новак Ѓоковиќ по триумфот над Енди Мареј со 6:3, 5:7, 6:4 што значеше и одбрана на титулата во Доха, Катар.
„Ова, дефиитивно, беше еден од најдобрите начини да ја почнам годината. Кога направи пресврт, помислив дека нема да ми се врати сето она од вчера“, рече Ѓоковиќ алудирајќи на полуфиналето против Фернандо Вердаско во кое спаси пет меч топки.
Српскиот тениски ас вечерва ја прекина и низата од 28 меча без пораз на неговиот најголем ривал во моментот, но и добар пријател, Енди Мареј. Притоа ја забележа и 25 победа во 36 средба со Британецот.
„До крај на меч, до последен удар, никогаш не можете да знаете што ќе биде против Енди. Не е чудно за двајцата што играме три сета и три часа. Тоа се физички битки. Ќе ни треба малку време да се опоравиме и подготвиме за Мелбурн. Да се победи овде, против најголемиот противник, е почеток на сезона од соништата“, додаде Ѓоковиќ.
Мари ќе ја зголеми разликата на врвот на АТП листата бидејќи во 2016 година воопшто не играше во Доха, а Ѓоковиќ го одбрани тронот.