Новата сезона во Светскиот куп во рели донесе инцидент со трагичен крај. За време на синоќешната етапа во Монте Карло смртно настрада гледач крај патеката во кого удри Хејден Пејдон, откако загуби контрола врз своето „Хјундаи“. Несреќниот навивач беше зафатен со задниот дел на возилото и на здобиените повреди им подлегна во болницата во Ница.
„Отворена е истрага и сите инволвирани во несреќата ќе бидат на располагање на надлежните органи. Изразуваме искрено сочувство на семејството, на пријателите и на сите погодени од оваа трагедија“, стои во официјалната изјава на организаторот на трката, а соопштение со слична содржина објави и „Хјундаи“.
https://www.youtube.com/watch?v=ETUtRAZFfQM
Релито продолжи и покрај трагичниот настан, но без новозеландскиот натпреварувач Пејдон, еден од најдобрите рели возачи на денешницата, кој се повлече по несреќата.