Лидерот на опозицијата во Русија, Алексеј Навални е виновен за проневера, пишуваат руските локални медиуми, што значи дека нема да може да се кандидира за претседател на изборите следната година.
Навални подолго време тврди дека е цел на политичко гонење.
Во 2013 тој е осуден за вршење проневера од пола милион долари додека работел како советник на гувернерот Никита Белик, но Европскиот суд за човекови права донесе одлука во негова корист, тврдејќи дека на Навални не му се судело фер.
Минатата година објави дека ќе се кандидира за претседател во 2018 година, а на изборите се очекува Владимир Путин да бара нов мандат.
Работата на Навални доби внимание преку блогирање во 2008 година, пишувајќи за корупција во руските корпорации под раководство на државата.
Во 2013 година се тркаше за градоначалничкото место на Москва кога на изненадување на сите, освои повеќе од една четвртина од гласовите.