Двајца поранешни членови на Комисијата за спречување на корупција се под лупа за злоупотреба на патни трошоци. Истрагата е поведена по допрен глас, вели Сашо Рајчев, шеф на скопското јавно обвинителство, во интервју за „Телма“ без притоа да открие за кого се работи.
„Обвинителството почна истрага по допрен глас. Се јави и потреба од преглед на финансиските извештаи на Комисијата за утврдување на евентуални неправилности во врска со предметот за користење на надоместоци за пат на членови на Комисијата. По опсежно проучување на извештајот, се продолжи со проверка на целокупната документација за евентуални незаконски исплати. Тоа наложи прибирање на вербални докази што упатуваат на сомнеж на две лица кои се повикани да дадат исказ“, изјави Рајчев.
Рајчев, меѓудругото, во интервјуто истакна дека Специјалното Јавно Обвинителство (СЈО) се покажа како успешен концепт, но нагласи потреба од додефинирање на неговата улога во рамки на Основното Јавно Обвинителство (ОЈО).