Лидерот на ДУИ, Али Ахмети денеска преку соопштение го поздрави доделувањето на мандатот на мнозинството во Собранието.
Во изјавата на Ахмети се вели дека новата влада ќе работи на интеграција на Македонија во ЕУ и НАТО и ќе се заложува за отворање на нови работни места.
„Ние ќе дејствуваме во согласност со волјата на граѓаните и враќање назад нема. Нашата клучна определена и одлучувачка улога во новото мнозинство ќе ја ставиме во служба на реформите во согласност со очекувањата на меѓународната заедница, добрите меѓуетнички односи и Охридскиот Договор како и интеграцијата во НАТО и Европска Унија заедно со отворањето на нови работни места“, пишува во соопштението од ДУИ.