Лидерот на ДУИ Али Ахмети, денеска на својот фејсбук профил ја поздрави одлуката на Уставниот суд за времената мерка со која се запираат сите изборни дејствија и да ја прифати за разгледување Иницијативата за распуштање на Собранието поднесена до Уставниот суд од член на неговата партија.
Ја поздравувам денешната одлука на Уставниот Суд која што овозможува свикување на Собранието како прв и неопходен чекор за решавање на длабоката политичка криза. Ги повикувам сите лидери, медиуми, цивилното општество да постапуваат со целосна одговорност наспроти ситуацијата во која што се наоѓа земјата и да дадат свој конструктивен придонес за враќање на стабилноста, сигурноста и да се посветиме силно кон сериозна реформска агенда.
Судиите на Уставниот суд на денешната седница едногласно одлучија да се донесе времена мерка за запирање на сите изборни дејствија.
Судот ја прифати Иницијативата на ДУИ и изрази сомнеж за уставноста на актот со кој се изгласало распуштање на Собранието со одложено дејство и следната недела ќе донесе конечна одлука дали одлуката за распуштање е уставна или не. До тогаш важи времената мерка за запирање на сите изборни дејства.
Претседателката на Судот Елена Гошева посочи дека ќе гласа за Иницијативата иако ова е преседан во одучувањето на Судот. Сепак според неа во овој случај преовладува јавниот интерес со што прифатливо е да се распава за веќе распуштено Собрание. Освен неа и сите останати судии гласаа за прифаќање на Иницијативата по што конечната одлука на Судот ќе се знае идната среда.