Дел од најпознатите светски зданија, споменици, стадиони се осветлени во зелена и бела боја, заштитните на Шапекоенсе. Бразилскиот фудбалски прволигаш загуби 19 фудбалери и стручен штаб при пад на авионот во Колумбија каде требаше да играат против Атлетико Насионал во финалето на Копа Судамерикана. Целиот свет на планетата се обедини во тагата, солидарноста и во поддршката за клубот од Санта Катарина, сојузна држава во Бразил, неговите навивачи и земјата домаќин на последниот мундијал по трагичниот настан.
Бразилскиот претседател прогласи тридневна жалост во земјата, а најпознатиот споменик во земјата, кипот на Исус спасителот на Рио де Жанеиро е осветлен во зелена боја во чест на Шапекоенсе. Во зелена боја светна и „Алијанц арена“, храмот на Баерн Минхен како и оној на Порто Алегре, еден од најголемите клубови во Бразил на идентичен начин им изразија почит на загинатите фудбалери.
Фотографии во зелено пристигнуваат и од Англија и Франција. Националниот стадион на Островот, „Вембли“ е обоен во зелено како и Ајфеловата кула во Париз.