Епидемиолошката состојба со ковид-19 во државата засега останува стабилна. Како што вчера соопшти Министерството за здравство (МЗ), во деноноќието меѓу средата и четвртокот биле регистрирани 17 нови случаи на заболени со коронавирусот, а во меѓувреме продолжува и теренската вакцинација, која денеска ќе се одвива во 60 населени места во државата.
Според последниот извештај на МЗ, досега се ревакцинирани 305.804 граѓани, додека една доза на вакцина против ковид-19 имаат примено 61 отсто од населението над 70 години, 58 отсто од граѓаните над 65 години, 53 отсто од оние над 60 години и 43 отсто од лицата над 50-годишна возраст.
– Процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба, информираат од Министерството.
Исто така, сајтот „vakcinacija.mk“ е отворен и за закажување на термини за вакцинација на децата.
Ревакцинацијата се одвива во спортските сали во Кавадарци, во Куманово, во Тетово, во Штип, во Битола, во Струмица, во Охрид, во Велес и во Прилеп и во СЦ „Борис Трајковски“ во Скопје.
Во државата продолжува и теренската вакцинација што денеска ќе се реализира во 60 населени места.
Тетово – Шипковица, Вешала, Бродец, Лисец, Гајре, Бозовце
Гостивар – Речане, Вруток
Ресен – Дрмени, Г. Д. Перово, Лавци, Волкодери, Покрвеник, Шурленци, Прељубље, Крушје, Златари, Иабишта, Лева Река
Штип – Козјак, Аргулица, Црвулево
Свети Николе – Сарамзалино, Аџиматово
Берово – Двориште;
Струга – Делогожда, Ростуше
Струмица – Банско, Баница
Неготино – Дрен, Чифлик
Пробиштип – Петршино;
Кочани – Нивичани;
Кичево – Грешница, Бачишта, Лешница, Речани
Битола – Ореово, Паралово, Маково, Орле, Рапеш, Брник, Зович, Старавина, Будимирци, Градешница
Охрид – Пештани, Трпејца, Љубаништа;
Македонски Брод – Г. Манастирец, Д. Манастирец, Сушица, Тополница
Велес – Д. Чичево, Г. Чичево, Подлес
Скопје – Сандево, Кучевиште, Побожје.
Согласно вчерашните податоците од Институтот за јавно здравје, во претходното деноноќие се направени вкупно 2.896 тестирања. Од новите случаи на заболени, девет беа регистрирани во Тетово, шест во Скопје и по еден во Прилеп, односно Гостивар. Оздравеа седум пациенти (по тројца од Куманово и од Тетово и еден од Скопје), а почина едно лице.