Акционерите на швајцарската банкарска групација Credit Suisse во САД поднесоа тужба против самата финансиска корпорација и нејзиниот менаџмент, обвинувајќи ги за кршење на американските закони за хартии од вредност, објавија голем број медиуми.
„Жалбата за колективна постапка за прекршување на федералните закони за хартии од вредност од страна на поединци и ентитети кои стекнале или на друг начин добиле сметки за американски депозитар на Credit Suisse помеѓу 10 март 2022 и 15 март 2023 година“, се вели во тужбата поднесена во средата во Окружниот суд во Њу Џерси.
Според поднесокот, тужителите ја обвинуваат банката дека ги довела во заблуда инвеститорите со тоа што не открила материјални информации за ранливости во внатрешните контроли во светло на тековниот пад на ликвидноста и падот на вредноста на хартиите од вредност на компанијата.
Меѓу обвинетите се и претседателот на компанијата Аксел Леман, извршниот директор Улрих Кернер и финансискиот директор Диксит Џоши. Се вели дека банката и нејзините директори дале „материјално лажни и погрешни изјави“ за „бизнисот, работењето или перспективите“ на Credit Suisse, што резултираше со значителни загуби за инвеститорите на компанијата.
Во средата вредноста на акциите на една од најголемите швајцарски банки Credit Suisse на берзата падна за четвртина. Претходно, финансискиот коментатор и најпродаваниот автор на „Богат татко, сиромашен тато“ Роберт Кијосаки (тој точно го предвиде колапсот на американскиот банкарски гигант Леман брадерс во 2008 година) рече дека следната банка што пропаѓа по банкротот на американската банка во Силиконската долина (SVB) ќе биде Credit Suise. Банката, пак, соопшти дека ќе позајми до 50 милијарди швајцарски франци (околу 53,7 милијарди долари) од Централната банка.
САД се во контакт со Швајцарија за проблемите на Credit Suisse, но веруваат дека тие се изолирани и не ја одразуваат ситуацијата во глобалната економија, рече портпаролката на Белата куќа Карин Жан-Пјер. „Во моментов гледаме на она што се случува како изолиран проблем. Проблемите не се поврзани со моменталната економска состојба, со актуелната економска клима“, рече таа на брифинг со новинарите. САД ја поздравуваат одлуката на швајцарските власти да обезбедат дополнителна ликвидност на банката. „Би ве упатила до Министерството за финансии. Тие се во близок контакт со нивните швајцарски колеги за ова конкретно прашање“, рече таа.