Централното Собрание на Алијансата за Албанците денеска, во просториите на ресторан Арена во Гостивар, ќе одржи состанок на кој ќе одлучува дали партијата ќе остане да биде дел од владината коалиција.
Откако премиерот Зоран Заев во интервју за емисијата „Ноќно студио“ на Телма јасно рече дека Алијансата на Албанците нема да го добие Министерството за здравство бидејќи предлозите за министри се веќе испратени во Собрание.
Тој нагласи дека здравството на почеток припаднало на оваа партија заради Арбен Таравари, но него веќе го нема. На изјавата на Заев вчера реагираше и поранешниот министер за здравство Арбен Таравари кој рече дека оправдувањето на премиерот за новопоставениот министер за здравство Венко Филипче е смешно.
Реакцијата на Таравари ви ја пренесуваме во целост.
Ова е една изјава која сум принуден да ја кажам заради еден смешен рефрен кој се повторува често пати како оправдување од страна на премиерот Зоран Заев.
Заев кажа дека Министерството за здравство е дадено на Алијансата поради мене како личност. Кога го слушнав ова првпат, ми дојде многу жал за него. Поради недостаток на реално оправдување за насилното одземање на Министерството за здравство тој прати една незрела вест.
Смешно! Кога видов дека кутриот премиер го повторува тоа неколку пати и повторувајќи ги неколку пати лажните (псевдо) аргументи, жалосно-смешно! На ова оправдување на Заев не верува ни едно петгодишно дете.
Сигурно е дека ова министерство и е дадено на Алијансата бидејќи без оваа партија немаше да има Влада. Се сеќавате ли како дојде до ова? Беше тоа време кога во Парламентот крвареше Зијадин Села и без никаков сомнеж јас бев избран од Алијансата да го водам Министерството за здравство.
Заради тоа вие не можете да го убедите народот и да се однесувате инфантилно.
Кој ве натера да го свртите кавалот господине Заев? Почнавте и вие да ги делите министерствата на тие кои плачат повеќе или имате некое дете во коалиција што се лути на нас и не не сака?
Жал ми е за Владата
Арбен Таравари
пс. Дали некогаш сте се запрашале што имате заедничко со Груевски?
Јас ќе ви кажам: Само Али Ахмети