Регионалниот пат Дебар – Маврово е пуштен за сообраќај, а укинати се и забраните за движење на камиони што беа воведени претпладнето на повеќе места низ државата поради снежни врнежи.

Како што информира АМСМ, од 12:25 часот е укината забраната за сообраќај на тешки моторни возила на патниот правец Битола – Ресен преку планинскиот премин „Ѓавато“, во 14:10 часот е укината забраната за патниот правец Струга – „Ќафасан“ и сообраќајот е нормализиран. Во 15:25 часот е укината забраната за движење на тешки товарни возила на планинскиот премин „Стража“ и во 15:35 часот е укината забраната за камиони на патниот правец Кичево – Охрид на планинскиот премин „Пресека“.