Италијанскиот тренер веќе остави белег на фудбалски план во најмногубројната држава во светот. Го водеше Гванжу до три титули во првенството и по една во кинескиот куп и во азиската Лига на шампиони
Марчело Липи е пред промоција во нов селектор на фудбалската репрезентација на Кина. Италијанските медиуми најавуваат негово враќање во најмногубројната држава во светот, но наместо клупски ангажман, овојпат пишуваат за преземање на националниот тим што би требало да се случи многу скоро.
Липи важи за еден од најдобрите фудбалски тренери на сите времиња. Ги предводеше „аѕурите“ до титула на мундијалот во Германија во 2006 година. Покрај таа, има и пет Скудета во Серија А, еден трофеј во Купот на Италија, четири во италијанскиот Суперкуп и во Лигата на шампиони.
Неговата работа остави белег и во Кина. Со екипата на Гванжу, во минатото, освојуваше три шампионски пехари во кинеското првенство и по еден во Купот на Кина и во азиската Лига на шампиони.
Првата информација за кам-бек на Далечниот исток се поврзуваше со нова соработка со Гванжу на чија клупата беше од 2012 година до 2014 година. Но, медиумите во Италија јавуваат за пресврт на ситуацијата во последен момент и, можеби, уште до крајот на оваа недела Липи да биде официјализиран з анов кинески селектор.