Белград: Студентската листа ја поддржуваат 44 проценти од граѓаните, а блокот предводен од српскиот претседател Александар Вучиќ – 32 отсто, речиси две третини од граѓаните го гледаат распишувањето предвремени избори како излез од кризата, а речиси секој трет гласач на партијата на власт смета дека треба да се распишат избори.
Тоа се резултатите од анкетата на јавното мислење спроведена од Центарот за истражување, транспарентност и одговорност (ЦРТА) од 13 до 27 септември.
„Четириесет и тро отсто од граѓаните веруваат дека не е важно кој ќе дојде на власт наместо Вучиќ, а 39 проценти сметаат дека би ни било полошо без него, што најјасно ја илустрира атмосферата на референдумот и поделбата на општеството“, објави ЦРТА.
Анкетата, исто така, покажа дека уделот на граѓани со умерен или неопределен став кон протестите против владата се намалува – 58 проценти ги поддржуваат, а 39 проценти не.
ЦРТА посочи на поларизацијата на општеството во истражувањето што го спроведе и наведе дека таа се рефлектира и во она што се препознава како најголеми проблеми во Србија – за 26 проценти од граѓаните, најголемиот проблем е системската корупција, а за 20 проценти од нив, тоа се студентите и блокадите.
Според анкетата, повеќе од половина од граѓаните веруваат дека Србија оди во погрешна насока, додека една третина верува дека е на вистинскиот пат.