Северна Македонија беше една од 64. држави во заедничкото истражување на Галуп и на Ворлдвајд Индепендент Нетворк. Во секоја учествувале по околу 1.000 граѓани (вкупно 62.398) кои одговораа на единствено прашање „дали би се бореле за својата земја и би го дале животот за неа ако има војна“ пришто позитивно се изјасниле 38 отсто од анкетираните Македонци. На просторите на поранешна Југославија биле опфатени и Косово (58 отсто се изјасниле „за“), БиХ со 55 отсто и Србија со 46 отсто „воинствени“.
Во глобален просек, 61 отсто испитаници изразиле подготвеност за борба за сопствената држава додека 27 отсто одговориле негативно. Очекувано, поголем е процентот на мажи (67 отсто) за разлика од жените – 52 отсто.
Најподготвени за војна за својата држава доаѓаат од Блискиот исток и во северна Африка, дури 93 отсто, а најниско е расположението во Западна Европа – 25 отсто.
Најмалку за својата земја би се бореле Јапонците – само 11 отсто. Следуваат во Холандија (15 отсто), Германија и Белгија (19 отсто), Италија 20 отсто, итн. Најпоготвени за борба за својата држава се Мароканците и граѓаните на Фиџи – 94 отсто. Следуваат Пакистанците со 89 отсто, Виетнамците со 89 отсто, Бангладеш со 86 отсто, Азербејцан – 85 отсто, итн.
Во Европа предничи Финска со 74 отсто подготвени за војна за одбрана на својата држава. Следува Турција со 73 отсто, Украина со 61 отсто додека во Русија тој процент е 59 отсто.
Муслиманите се најподготвени за војна – 78 отсто, хиндуисти – 77 отсто, будисти – 66 отсто, а по нив – атеистите и агностици – 57 отсто. Меѓу христијаните – 53 отсто се православни, а католици – 52 отсто. Евреите се подготвени 51 отсто.