Ангела Меркел оставила подобра впечаток врз гласачите зза време на вчерашниот дуел со нејзиниот противкандидат Мартин Шулц, покажува анкетата на ТВ мрежата ЗДФ.
Анкетата која е спроведена меѓу гледачите за време на првата половина од дебатата и објавена набрзо по нејзиното завршување, покажува дека на Меркел и веруваат 33 отсто од гласачите, додека на Шулц – 17%.
Според резултатите на друга анекта за ТВ Ард Меркел е покомпетентна, подоверлива и посимпатична од Шулц.
Единствена категорија во која Шулц бил подобар според гледачите е дека покажал поголема борбеност.
На почетокот на телевизиското соочување кое започна во ударниот термин и чија прва тема беше Турција, Меркел истакна дека Турција не би требала да стане членка на ЕУ и ќе побара од унијата да го прекине преговорите со Анкара.
Ова таа го кажа откако Шулц рече дека доколку биде избран ќе побара прекин на преговорите за членство на Турција во ЕУ.
Меркел го пофали договорот со Турција за бегалците и миграните истакнувајќи дека е апсолутно исправен и денес, како што бил тоа и вчера.
Сепак таа рече дека е јасно дека Турција не би требало да биде членка на ЕУ, и повтори дека исто така треба да бидат прекинати и преговорите за царинска унија на Турција и ЕУ.
Лидерот на Социјалдемократската партија (СДП) на почетокот на дуелот рече дека ниту еден германски граѓанин не може веќе безбедно да патува во Турција.
Шулц исто така ја нападна Меркел за одговорот на бегалската криза, односно дека не била добар коориднатор на европскиот одговор на бегалската криза во 2015, а одлуките го носела сама.
На тоа Меркел му возврати дека „во тоа време ситуацијата била многу драматична“.
-Постојат моменти во животот на канцеларот кога тој мора да одлучи, рече Меркел.
Таа истакна дека мигрантите не се закана за Германија, но дека бегалската криза во 2015 и оставила на земјата тешка задача на интегрирање на дојденците во општеството.
Меркел исто така истакна дека Германија мора да помогне во борбата против причините за таква криза, како што е насилството во Сирија.
Шулц рече дека се согласува со одлуката за прием на бегалците, но дека му пречи тоа што одлуката на Меркел е донесена без консултации со остатокот од владата.
Шулц се согласи со Меркел и дека интеграцијата на мислиманските мигранти не претставува поголем предизвик во споредба со некоја друга група, но нагласи дека Владата би можела да направи повеќе за да ги спречи „проповедниците на омразата“ да шират радикална идеологија“.
Меркел рече дека иако „радикалните исламисти изведуваат терористички дела во Европа“, таа и натаму верува дека Исламот има свое место во Германија.
-Луѓето кои немаат право да бидат во нашата земја би требало да ја напуштат, некои луѓе се веќе депортирани, истакна канцеларката, бранејќи ја својата имиграциска политика на отворени врати.
Укажувајќи дека „Европа е проект на солидарност“ Шулц повика на „кооперативен закон за имиграција“ за да се избегнат несогласувањата со земјите „како што се Унгарија и Полска, кои сметаат дека Германија и Италија би требало да се борат со тој проблем“.
Северна Кореја и Трамп
Меркел рече дека кризата со Северна Кореја мора да се реши по мирен пат и дека за тоа ќе се обиде да го убеди Доналд Трамп, додека Шулц рече дека претседателот на САД не го смета за вистински човек за решавање на овој проблем.
-Секој човек кој користи Твитер за да ги критикува своите левичарски и десничарски противници и кој не може да се дистанцира од неонацистите…германскиот канцелар треба да се спротивстави, рече Шулц.
Во врска со Трамп, Меркел рече дека јасно ставила до знаење дека соработката со него е заснована на заедничките вредности и дека нема слепо да ги следи САД во вооружениот судир. „Тоа мора мирно да се реши“, рече Меркел.
Таа потенцира дека има многу разлики во ставовите со американскиот претседател и како пример го наведе неонацистичкиот марш во Шарлотсвил.
90 минути преку 4 ТВ канали
Вчерашното телевизиско соочување е единствената планирана таква дебата до крајот на предизборната кампања меѓу двата најсериозни кандидати Меркел и Шулц.
Траеше 90 минути, ја пренесуваа четирите најголеми телевизиски канали, а Меркел и Шулц одговараа на новнарски прашања.
Според преходните предвидувања, околу 20 милиони Германци, или речиси третина од гласачите во земјата со 80 милиони жители, го следеле овој дуел во најжестокиот дел од кампањата пред изборите закажани за 24 септември.
Тие се сметаат како една од посериозните можности социјалдемократите да го прекинат долгогодишното владеење на демохристијаните.