Вечер за паметење на Лионел Меси. Барселона го победи Челзи со 3:0 и се пласира во четврт-финалето во Лигата на шампиони (ЛШ) пришто аргентинскиот фудбалски волшебник беше во фокусот на „Камп Ноу“. Двапати ја тресеше мрежата на Тибо Куртоа по додавања од Луис Суарез со кои стана само втор играч во историјата на Лигата на шампиони со 100 постигнати погодоци. И тоа не беше се што „десетката“ на Каталонците прикажа во дуелот со „сините“ од Лондон. Запиша и асистенција при реализацијата на Дембеле и се промовира како „џелат“ на составот од „Стемфорд Бриџ“ во осминафиналето во елитното натпреварување на УЕФА.
Баерн М. рутински го одработи и реваншот со Бешикташ. По убедливиот триумф на „Алијанц арена“ со 5:0, Баварците го совладаа турскиот состав и во Истанбул со 3:1 и си обезбеди место во ждрепката за топ 8 фазата во петок во Нион. Алкантара во 18 минута, Ѓонул со автогол во 46 минута и Вагнер во 84 минута беа стрелци за тимот на Јуп Хејнкес, Вагнер Лав го потпиша почесниот за „црно-белите“ во двомечот со фаворитот од Минхен.
Пласман во четврт-финалето претходно обезбедија Манчестер сити, Ливерпул, Реал Мадрид, Јувентус, Рома и Севилја.
Лига на шампиони
Осминафинале, реванши
Барселона – Челзи 3:0 (1:1)
Бешикташ – Баерн Минхен 1:3 (0:5)
Во заграда се резултати од првите средби