Атина ноќеска наликуваше на Буенос Аирес. Центарот на градот беше во хаос како последица на традиционалната нетрпеливост меѓу навивачите на Ајакс и на АЕК. Холандски хулигани допатуваа во грчката престолнина во текот на вчерашниот ден за мечот во Лигата на шампиони на УЕФА како официјлана причина. Позадината, сепак, е од поинаква природа и се однесува на „блиски средби“ со домашните фанови.
Околу 200 симпатизери на екипата од Амстердам вооружени со палки и камења упаднаа во кафуле што важи како собиралиште на фанови на АЕК. Насоки каде е „непријателот“ веројатно добија од „колегите“ од Панатинаикос и од полска Краковија и по негово лоцирање тргнаа инцидентите.
Во ситуацијата се вмеша и грчката полиција, но нејзината реакција беше задоцнета. Додека се броеја повредени и приведени од првиот бран насилства, Грците се прегрупираа и се организираа за контраудар. Во потерата по гостински навивачи тргнаа од другиот крај на градот и ги бараа низ цела Атина меѓутоа без успех поради веројатноста дека Холанѓаните во меѓувреме добија засолниште од навивачи на Панатинаикос. И тука не е крај на приказната за немири во главниот град на Грција од причина што попладнево (18.55 ч.) на стадионот „Спирос Луис“ во Атина се игра мечот меѓу АЕК и Ајакс во претпоследното коло во групата Е во ЛШ.
Лига на шампиони
Група Е: АЕК – Ајакс (18.55 ч.), Баерн М. – Бенфика (21 ч.)
Група Ф: Олимпик Л. – Манчестер С. (21 ч.), Хофенхајм – Шахтјор Доњецк (21 ч.)
Група Г: Рома – Реал Мадрид (21 ч.), ЦСКА Москва – Викторија Плзен (18.55 ч.)
Група Х: Манчестер Ј. – Јанг Бојс (21 ч.), Јувентус – Валенсија (21 ч.)