Анита Мартон е освојувачка на првиот златен медал на европското атлетско првенство во сала што синоќа започна во Белград. Унгарката победи во фрлање ѓуле со резултат 19,24 метри и на тој начин ја одбрани титулата од последното ЕП во Прага во 2015 година. На ланските Олимписки игри во Рио де Жанеиро таа се закити со бронза.
Сребрениот медал го освои Радослава Мавродиева која притоа оствари личен рекорд од 18,36 метри, бронзенот заврши на градите на Јулија Леанцјук од Белорусија (18,32 метри).