Ниту еден од шесте члена на екипажот не преживеа во падот на авионот Антонов Ан-26 кој вчера се урна во областа Хабаровск на Далечниот исток на Русија, пренесува агенцијата ТАСС врз основа на првичните информации од извор од руската спасувачка служба.

Руското Министерство за вонредни ситуации потврди дека спасувачките тимови ќе се селат на место на непристапен терен на кој падна авионот АН-26 кој вчера попладне исчезна од радарите во близина на Хабаровск.

Како што е наведено, хеликоптер од типот Ми-8 открил остатоци од авионот, а во спасувачката операција учествуваат 140 лица со 35 возила.

Рускиот транспортен авион Антонов Ан-26, со шестчлен екипаж, се урна вчера попладне на 38 километри од градот Хабаровск на далечниот руски исток. Авионот беше во техничка мисија за проверка на системите за контрола на летање на руските аеродроми.