Владата на Австрија планира да забрани, девојчињата од муслиманска вероисповест да носат марами во градинките и основните училишта, соопшти денеска австрискиот вицеканцелар и лидер на десничарската Партија на слободата, Хајнц-Кристијан Штрахе.
– Забраната за носење марами во градинките и училиштата би придонела за подобра интеграција на децата. Ваквата одлука се носи со цел на девојчињата до 10-годишна возраст да им се овоможи непречен развој, изјави Штрахе.
Плановите на Владата ги потврди и австрискиот канцелар Себастијан Курц, кој нагласи дека е покрената иницијатива за изготвување на „соодветен закон“ посветен на заштита на децата.
Според него, таквата мерка е корисна бидејќи на тој начин ќе се спречи „развој на паралени општества“ во Австрија.