Македонската фудбалска репрезентација остана непоразена на гостувањето во Љубљана во квалификациите за Европското првенство во 2020 година. Конечни 1:1 против Словенија во меч од второто коло во групата Г за уште подобра атмосфера пред двата врзани настапа на домашен терен во јуни против Полска и против Австрија.
Миха Зајц во 34. минута обезбеди водство за Словенија што го анулира Енис Барди во 47. минута со проектил од втор план што беше неодбранлив за Јан Облак.
Ова беше прво реми во петтиот меѓусебен дуел на двете селекции што воедно беше и прв во квалификациски циклус за ЕП или СП. Во досегашните четири, Македонија забележа три победи (4:1, 2:0 и 3:2) наспроти единствената на Словенија (1:0) пред две години во Копер.
Домашните репрезентации, пак, победија во останатите два меча во групата Г. Полска ја надигра Летонија со 2:0, а Израел ја совлада Австрија со 4:2.
Квалификации за Европско првенство во фудбал во 2020
Група Ц
Холандија – Германија 2:3
Северна Ирска – Белорусија 2:1
Табела: Северна Ирска 6 (2 меча), Германија 3 (1), Холандија 3 (2), Естонија 0 (1), Белорусија 0 (2).
Група Е
Унгарија – Хрватска 2:1
Велс – Словачка 1:0
Табела: Словачка 3 (2 меча), Велс 3 (1), Унгарија 3 (2), Хрватска 3 (2), Азербејџан 0(1).
Група Г
Словенија – Македонија 1:1
Полска – Летонија 2:0
Израел – Австрија 4:2
Табела: Полска 6 (2 меча), Израел 4 (2), Македонија 4 (2), Словенија 2 (2), Австрија 0 (2), Летонија 0 (2).
Група И
Кипар – Белгија 0:2
Сан Марино – Шкотска 0:2
Казахстан – Русија 0:4
Табела: Белгија 6 (2 меча), Кипар 3 (2), Русија 3 (2), Казахстан 3 (2), Шкотска 3 (2), Сан Марино 0 (2).